အိမ်ကျွန်

ယခု စာရေးသူဘာသာပြန်သည့် ဖြစ်ရပ်မှန်ရသစာအုပ်ဖြစ်သည့် အိမ်ကျွန်သည် Amazon.com တွင် ကြယ်ငါးပွင့်ရ အရောင်းရဆုံး စာအုပ်ဖြစ်ပါသည်။ အဓိကဇာတ်ဆောင် မန်ဒီနေဇာသည် ဆူဒန်နိုင်ငံတောင်ပိုင်း နူဘာတောင်တန်းများ ဝန်းရံနေသည့် ရွာလေးတစ်ရွာမှာနေပါသည်။ တစ်နေ့ မူဂျာဟစ်ဒင်သူပုန်များ မန်ဒီနေဇာတို့နေထိုင်သော ရွာလေးသို့ ရောက်ရှိလာကာ အမျိုးသမီးများကို မုဒိမ်းကျင့်၊ ယောက်ျားများကိုThat မိန်းကလေးငယ်များ ဆယ်ကျော်သက် ယောက်ျားလေးများကို ဖမ်းဆီးသွားခဲ့သည်။ အသက်ဆယ့်နှစ်နှစ်အရွယ် မန်ဒီနေဇာကိုဖမ်းဆီး၍ ချမ်းသာသော အမျိုးသမီးကြီးထံ ရောင်းစားခဲ့ပြီး မန်ဒီနေဇာလေးမှာ အိမ်ကျွန်ဘဝဖြင့် အခန်းကျဉ်းလေးထဲ နေထိုင်ရကာ စားရတော့ စားကြွင်းစားကျန်၊ တစ်နေ့ကို နာရီပေါင်းများစွာ အိမ်အလုပ်များကို အနှိပ်စက်ခံ၊ အညှဉ်းဆဲခံ ပိတ်လှောင်ခံဘဝနှင့် ပညာရေးဆိုတာမသိ၊ ငွေကြေးဆိုတာ မမြင်ဖူး၊ ဖုန်းမသုံးတတ်၊ တီဗီ ရေဒီယိုဆိုတာမကြားဖူး၊ မသိဖူးသော မန်ဒီနေဇာဖြစ်ခဲ့ရသည်။ ရှစ်နှစ်အကြာ အိမ်ကျွန်အနေနှင့် ရောင်းစားခံခဲ့ရသော မန်ဒီနေဇာသည် အိမ်ကျွန်ဘဝမှ လွတ်မြောက်ပြီး အနာဂတ်တစ်ချိန်ချိန်တွင် မိသားစုနှင့် ပြန်တွေ့ရမည်ဆိုသော သန္နိဋ္ဌာန် မလျှော့သောဇွဲဝီရိယ ခံယူချက်တို့ကြောင့် နောက်ဆုံး အိမ်ကျွန်ဘဝမှ လွတ်မြောက်သွားခဲ့သည်။ အိမ်ကျွန်ဘဝမှ လွတ်မြောက်ပြီးနောက် ဘဝအောင်မြင်ရေးအတွက် ဆက်လက်ကြိုးစားခဲ့ရာ စပိန်နိုင်ငံ မက်ဒရစ်အခြေစိုက် နိုင်ငံတကာ အသားအရောင်ပပျောက်ရေးအသင်းကြီးမှ ပေးအပ်ခဲ့သောဆု၊ ဆူဒန်နိုင်ငံ ကျွန်စနစ်ပပျောက်ရေး နိုင်ငံတကာသို့ ပျံ့နှံ့စေခဲ့သူဆု၊ လူ့အခွင့်အရေး တက်ကြွလှုပ်ရှားမှုဆိုင်ရာဆုတို့အား ချီးမြှင့်ခံခဲ့ရသည်။