ဈေးခြင်းတောင်းဝတ္ထုတိုများ

❤ စာအုပ်နာမည်က ဈေးခြင်းတောင်း ဆိုတဲ့အတိုင်းပါပဲ။ ဆရာမက ဈေးနဲ့ပတ်သက်တဲ့ သူ့ရဲ့အတွေ့အကြုံတွေကို ရေးထားတာပါ။ ဈေးဆိုတာက လူတန်းစားပေါင်းစုံ၊ စိတ်ထားပေါင်းစုံနဲ့ ထိတွေ့ရတဲ့နေရာလေ။ ဆရာမရဲ့ မိဘတွေက ဆယ့်နှစ်ပွဲဈေးသည်တွေဖြစ်တော့ စာအုပ်ထဲမှာ ဈေးဝယ်ခြင်းအတွေ့အကြုံတွေအပြင် ဈေးရောင်းခြင်း အတွေ့အကြုံတွေကိုလည်း ထည့်သွင်းဖွဲ့နွဲ့ထားပါတယ်။ >>> ဆရာမခင်ခင်ထူး သူရေးခဲ့သမျှ ဝတ္ထုတိုလေးတွေထဲက ဈေးနဲ့ပတ်သက်တဲ့ ဝတ္ထုတိုတွေကို သီးခြားဖယ်ထုတ်ပြီး ဒီစာအုပ်ထဲမှာ စုစည်းထားတာပါ။။ ငယ်ဘဝ ဆယ့်နှစ်ပွဲ ဈေးသည်လေးရဲ့ဘဝက ဘယ်လိုရှိမလဲ၊ အသက်ကြီးလာတော့ ဈေးသွားရ၊ ဈေးဆိုင်တွေက အတွေ့အကြုံတွေကိုရော ဘယ်လိုမြင်ရမလဲ ... စာဖတ်ပရိသတ် သဘောတွေ့စေမယ့် အမယ်မျိုးစုံကိုထည့်ထားတဲ့ ဈေးခြင်းတောင်းလေးကို အခုပဲဖွင့်ကြည့်ပြီး ခံစားကြရအောင်ပါနော် !