ဒဏ္ဍာရီထဲက ဖူရှင်း (စာစဉ်-၃၅) (စာမြည်း)

ဦးဝင်းချို

အခမဲ့

...ဒက်… ခရမ်းရောင် လျှပ်စီးများက တိမ်များကို ဖောက်ထွင်း သွားသည်။ သူတို့က မြန်ဆန်စွာပင် ထိုနေရာ တစ်ခုလုံးကို ဖုံးလွှမ်းသွား၏။ “သေစမ်း…” လျှပ်စီး အလင်းတန်း၏ စွမ်းအားကို ခံစားမိသည်တွင် ရီဖူရှင်းက အော်လိုက်သည်…“ဒါက အစီအရင် တစ်ခုပဲ…” ခရမ်းရောင် လျှပ်စီးများက တိမ်းများနှင့် အတူလာသည်။ တဖြည်းဖြည်းဖြင့် လျှပ်စီးတန်းများက သူတို့ထံကို လာရောက် ကျဆင်းလာကာ ရှောင်ဖယ်စရာ နေရာပင် မကျန်တော့။ ရီဖူရှင်းက လှေပျံအား ထိန်းချုပ်ကာ ရှောင်တိမ်းရန် ကြိုးစားသည်။ သို့သော် ကြီးမားသော လျှပ်စီးလှိုင်းက လှေပျံအား တိုက်ခတ် သွားသောအခါ ပြင်းထန်သော တုန်ခါမှု တစ်ခုနှင့်အတူ အောက်ကို ကျဆင်းတော့သည်။ “သတိထား… ငါက လှေပျံကို ပြန်သိမ်းတော့မယ်…” ရီဖူရှင်းက ပြောသည်။ မိုးမြေ ကောင်းကင်မြို့တွင် ကတည်းက ချမ်းသာ ကြွယ်ဝချင်း၏ အကျိုးအပြစ်ကို သူ ခံစားဖူးပြီး ဖြစ်သည်။ အထူးသဖြင့် သူတို့က အကာနာအဆင့်မျှသာ ရှိရာ တခြားလူများ၏ ပြစ်မှတ်ထားခြင်း ခံရရန် လွန်စွာ အလားအလာ များသည်။ ရီဖူရှင်းတို့အုပ်စုက လှေအပြင်ဘက်ကို မြန်ဆန်စွာ ထွက်လာကြကာ ရီဖူရှင်းက လှေကို ပြန်သိမ်းသည်။ နောက်ထပ် လျှပ်စီးတန်းများ သူတို့ထံ လိုက်ပါလာသည်ကို မြင်သည်တွင် ရီဖူရှင်းတို့အုပ်စုက ကြီးမားသော အရှိန်အဟုန်ဖြင့် အောက်ကို လျင်မြန်စွာ ဆင်းသက် လာကြသည်။