တစ်ကွေ့တော့ တွေ့ကြဦးမည်

သန်းခေါင်ယံအချိန် နီးကပ်လာသည်နှင့်အမျှ။ မြစ်ကြီးနားတစ်မြို့လုံး၊ ရာမပူရ တစ်ရပ်ကွက်လုံး၊ ကျွန်းပင်သာ လမ်းတစ်လျှောက်လုံး၊ လမ်းသုံးခွညောင်ပင် တစ်ဝိုက်လုံးသည် သိပ်သည်းမှောင်မည်းလျှက်၊ တိတ်ဆိတ်ခြောက်ကပ်လျှက် လူသွားလူလာ ပြတ်လပ်လျှက် ရှိလာတော့၏။ လျှို့ဝှက်သော အကြံအစည်တစ်ခုကို ပြုလုပ်ရန် မဆုတ်မနစ် ကျစ်ကျစ်လစ်လစ် အားထုတ်နေသူ လေးဦးသာလျှင် တပေါင်းလကွယ်နေ့ညကို အသုံးပြုလျှက် ရှိကြလေတော့၏။ တည်ဆဲတရားဥပဒေကို ချိုးဖောက်ကြရုံမျှမက အမြစ်မှနေ၍ လှန်ပြန်တူးဆွပစ်ကြရန် ကြီးမားသော အကြံအစည်တစ်ခုပင် ဖြစ်ချေသည်တကား။ ယင်းသို့သော လုပ်ငန်းတစ်ခုတွင် ရှစ်နှစ်သားအရွယ် လူငယ်လေးတစ်ဦးသည် အပေါင်းအပါတစ်ဦးအဖြစ် အံ့သြဖွယ်ရာ ပါဝင်နေရခြင်းသည် တကယ်တော့ သူ့အဖို့ အမျိုးသားလွတ်မြောက်ရေးတိုက်ပွဲ မှော်အသွင်းခံရခြင်းပင်တည်း။