မာယာဘုံ
မြသန်းတင့်
1100 Kyats ကျပ်
ဆရာမြရဲ့ နာမည်ကြီး ပင်ကိုရေးလက်ရာတစ်ပုဒ် ဖြစ်ပါတယ်။ မာယာဘုံ ဆိုတဲ့အတိုင်းပဲ မာယာများလွန်းတဲ့ လောကဓံအကြောင်းကို သေချာပေါက် ခံစားထိတွေ့ရမယ်။ ယမားချောင်းရဲ့ မာယာများပုံ၊ ယမားချောင်းကို ဖြတ်တော့မယ်ဆို ဆုံးဖြတ်ချက် မြန်ဖို့ လိုအပ်ပုံ၊ ကျောက်မီးသွေးတွင်းထဲက အလုပ်သမားတွေရဲ့ဘဝ၊ လေးကောင်ဂျင်သမားတွေရဲ့ လောင်းကစားပုံရိပ်၊ ကျောက်သံသရာနဲ့ မှောင်ခိုလောကရဲ့ စိတ်ဝင်စားဖွယ် စရိုက်တွေ၊ ကိုမြင့်နဲ့ အေးမတို့ရဲ့ မေတ္တာဇာတ်လမ်း စတဲ့ အဖြစ်အပျက် အဖုံဖုံကို ဖတ်ရှုရမှာပါ။
ဈေးသယ်မလေး အေးမတစ်ယောက် နောက်ဆုံး မှောင်ခိုကုန်သည် အကြီးစား ဖြစ်သွားခဲ့ပြီး မှောင်ခိုလောကထဲ ရောက်မှန်းမသိ ရောက်သွားတဲ့ ကိုမြင့်တစ်ယောက် ဒုက္ခသုက္ခတွေကို ခါးဆီးခံရပုံနဲ့ ‘ပြည်နာမှ ငွေရှာလို့ကောင်းတယ်’ ဆိုတဲ့ မုံရွာမြို့ပေါ်က ထိပ်တန်းကုန်သည်ကြီး ဦးမြမင်း အစရှိတဲ့သူတွေ။ မိုက်ပြီးရင်း ဆက်မိုက်၊ ဆိုးပြီးရင်း ဆက်ဆိုးကြရင်း လောဘကို မရပ်နိုင်ကြတဲ့အခါ မာယာဘုံထဲက မလွတ်မြောက်နိုင်ကြပုံတွေကို မြင်ရတဲ့အခါ စာဖတ်သူရော ဘယ်လို ခံစားရလေမလဲ ?
