မျိုးဆက်သွေး

ဒီစာအုပ်ကို ဘာသာပြန်ရခြင်းနဲ့ ပတ်သက်ပြီး ဆရာမောင်ပေါ်ထွန်းရဲ့ အကြောင်းအရင်းကို အမှာစာမှ ကောက်နုတ် ဖော်ပြပါရစေ။ ကျွန်တော်သည် ဤဝတ္ထုကို ခံစားချက်နှစ်ရပ်ဖြင့် ပြန်ဆိုပါသည်။ ပထမခံစားချက်မှာ ‘လူ့အားမာန်’ ဖြစ်သည်။ အဓိကဇာတ်ဆောင်ဖြစ်သူ အယ်လစ်ဇဘက်မှာ ပညာအရည်အချင်းအားဖြင့် အခြေခံအထက်တန်း အောင်ပြီးခါစသာ ရှိသေးသည်။ အသက်အရွယ်အားဖြင့်လည်း ၂၀ ကျော်ရုံမျှသာ ရှိသေးသည်။ ထို့ကြောင့် အများသူငါ ပြောရိုးပြောစဉ် စကားဖြင့် ပြောရလျှင် သူမသည် လူ့ဘဝ လူ့လောကအကြောင်း ဘာတစ်ခုမျှ လုံလုံလောက်လောက် မသိနိုင်သေးသော အရွယ်ပင် ဖြစ်သည်။ သို့သော် ကမ္ဘာနှင့်ချီ၍ လုပ်ကိုင်နေသော စီးပွားရေးလုပ်ငန်းကြီး တစ်ခုကို ပိုင်ဆိုင်သူ သူမ၏ ဖခင်ကြီး မမျှော်လင့်ဘဲ ရုတ်တရက် သေဆုံးသွားသောအခါ လုပ်ငန်းတာဝန် အားလုံးမှာ သူမ၏ ပခုံးပေါ်သို့ ကျရောက် လာခဲ့သည်။ သူမသည် တစ်ဦးတည်းသော အမွေခံသမီးဖြစ်၍ ကွယ်လွန်သူ ဖခင်ကြီး၏ ကြီးလေးကျယ်ပြန့် သော တာဝန်အရပ်ရပ်ကို ဆက်ခံခဲ့ရသည်။ ဤတွင် ပုဂ္ဂလိကစီးပွားရေးလုပ်ငန်းတို့၏ ဖြစ်စဉ်အတိုင်း အခက်အခဲတွေ ပြဿနာတွေနှင့် တစ်ခုပြီး တစ်ခု ရင်ဆိုင်တိုးရတော့သည်။ အတတ်ပညာ အသိပညာ နုနယ်သေးသော စီးပွားရေးလုပ်ငန်း စီမံခန့်ခွဲမှုနှင့် အုပ်ချုပ်မှုအတွေ့အကြုံ မရှိသေးသော အယ်လစ်ဇဘက်အား ပြိုင်ဘက်စီးပွားရေးသမားတွေက နည်းအမျိုးမျိုးဖြင့် အကျပ်ကိုင်ကြ သည်။ အပြုတ်တိုက်ကြသည်။ အစုရှယ်ယာပိုင် ဆွေမျိုးသားချင်းတွေကလည်း သူမအား ကိစ္စတုံး ‘ဖြောင်’ ပစ်ရန် အကြိမ်ကြိမ် လုပ်ကြံကြသည်။ သို့သော် သူမက ယင်းသို့သော အန္တရာယ်တွေကို လုံးဝမကြောက်၊ လုံးဝ ဒူးမထောက်၊ လွန်ခဲ့သော နှစ်ပေါင်း ၁၀၀ ကျော်ကတည်းက တည်ထောင်လာခဲ့သော မိသားစုပိုင်လုပ်ငန်းကြီးတစ်ရပ်သည် မိမိ လက်ထက်ကျမှ ပျက်စီးပြိုကွဲသွားရမည်ဆိုလျှင် ရာဇဝင်ရိုင်းချေတော့မည်ဟူသော အနိုင်မခံ အရှုံးမပေး စိတ်ဓာတ်ဖြင့် ပေါ်လာသမျှ အန္တရာယ်တွေကို ကြံ့ကြံ့ခံသည်။ ရင်ဆိုင်သည်။ အထူးသဖြင့် ‘ကြက်မ, တွန်၍ မိုးမလင်း’၊ ‘အားနွဲ့သူ မိန်းမသား’ ဟူ၍ ခေတ်အဆက်ဆက်ကတည်း က ကင်ပွန်းတပ်လာခဲ့ကြသော ဣတ္ထိယမျိုးဆက်ဝင်တစ်ဦး၏ ‘အားမာန်’ကို ဖော်ကျူးထားသောကြောင့် မိန်းမသားတွေဘက်မှ စာနာစိတ်ဖြင့် ဤဝတ္ထုကို ကျွန်တော် နှစ်သက်မိခြင်း ဖြစ်သည်။ ဒုတိယ ခံစားချက်ကတော့ ‘ဘဝသရုပ်’ ဖြစ်သည်။ တစ်နည်းအားဖြင့် ‘လူတန်းစားသရုပ်’ ဖြစ်သည်။ အထက်တန်းလွှာ အရင်းရှင် သူဌေးမိသားစုများ၏ ‘အပေါ်ယံရွှေမှုန်ကြဲ အထဲက နောက်ချေးခံဘဝ’၊ ‘ရလေလိုလေ အိုတစ္ဆေ’ အသပြာ၊ အာဏာနှင့် တဏှာအတွက် လောဘဇော မသတ်နိုင်ကြဘဲ အချင်းချင်း မညှာမတာ ပြိုင်ဆိုင်တိုက်ခိုက် သတ်ဖြတ်နေကြသည့် ဘဝစသော (လူ့မလိုင် အဖွဲ့အစည်း၏) ‘အပုပ်အဆွေး အတွင်းရေး ဘဝအထွေထွေ’ ကိုလည်း ဤဝတ္ထုတွင် ပီပီပြင်ပြင် မီးမောင်းထိုးပြထားသည်။ ဒီအချက်ကိုလည်း ကျွန်တော် သဘောကျသည်။ အချုပ်ဆိုသော် ဆိုခဲ့သော လူ့အားမာန်၊ အထူးသဖြင့် ‘ဣတ္ထိယအားမာန်’ နှင့် ‘လူတန်းစားသရုပ်’ တို့ကို ပုံဖော်ရာတွင် ဇာတ်လမ်း၏ ကောင်းခြင်း၊ ဇာတ်ဆောင်၏ ကောင်းခြင်းစသော ဝတ္ထုကောင်းတို့၏ အင်္ဂါ ရပ်များနှင့် ပြည့်စုံကုံလုံသောကြောင့် - ၁။ ဖတ်ပျော်ခြင်း (Entertainment) ၂။ ဗဟုသုရခြင်း (Information) နှင့် ၃။ အသိအမြင်တိုးခြင်း (Understanding) တည်းဟူသော အကျိုးတရားများကို စာဖတ်သူအနေဖြင့် အနည်းနှင့် အများ ရရှိကောင်း ရရှိနိုင်လိမ့်မည်ဟု ရိုးသားစွာ ယုံကြည်မိပါသည်။