ရေကန်သာ ကြာတိုင်းအေး

ဆရာနေ၀င်းမြင့်ရဲ့ ပရိသတ်တွေအတွက် စာအုပ်ကောင်းတစ်အုပ်နဲ့ မိတ်ဆက်ပေးချင်ပါတယ်။ မဖတ်ဖူးရင်တောင်မှ ဒီစာအုပ်နာမည်ကို ကြားဖူးကြပြီးသား ဖြစ်မှာပါ။ (၂၀၁၀)ခုနှစ်၊ အမျိုးသားစာပေဆု (ဘာသာပြန် - ရသ) ဆုကို ဆရာနေ၀င်းမြင့်က ဒီစာအုပ်နဲ့ ရရှိခဲ့ပါတ်။ ဒီဝတ္ထုရဲ့ မူရင်းအမည်က The Glass Palace …၊ မူရင်းစာရေးဆရာက အော့စ်ဖို့ဒ်တက္ကသိုလ်၊ ဒေလီတက္ကသိုလ်၊ အီဂျစ်တက္ကသိုလ်တွေမှာ ပညာသင်ကြားခဲ့ပြီးနောက် အမေရိကန်တက္ကသိုလ်တွေမှာ ဆရာအဖြစ် အသက်မွေးဝမ်းကျောင်းပြုနေသူ အိန္ဒိယနိုင်ငံသား အမီတာဗ်ဂို့ရှ် ဖြစ်ပါတယ်။ မန္တလေးမြို့မှာ အစပြုခဲ့တဲ့ မျိုးဆက်သုံးဆက်ရဲ့ အံ့ချီးဖွယ်၊ ဆွတ်ပျံ့ဖွယ်၊ စွဲမက်ဖွယ် ၀တ္ထုရှည်ကြီး တစ်ပုဒ်။ မင်းတုန်းမင်း၊ သီပေါမင်းလက်ထက် မန္တလေးခေတ်ကနေ အစတည် အခြေပြုတဲ့ ဒီဝတ္ထုကြီးကို မူရင်းစာရေးသူဟာ အင်္ဂလိပ်စစ်တပ်နှင့်အတူ မန္တလေးရောက်ခဲ့တဲ့ သူ့ခဖင်ရဲ့ အတွေ့အကြုံတွေကို အဓိကထား မှီငြမ်းရေးသားခဲ့တယ်လို့ ဆိုထားပါတယ်။ ရွှေအမြုတေ မဂ္ဂဇင်းမှာ အခန်းဆက် လပေါင်းများစွာ ရေးသားခဲ့ပြီးမှ စာအုပ်အဖြစ် ထုတ်ဝေခဲ့တဲ့ နာမည်ကျော် ၀တ္ထုကြီးကို ခံစားကြည့်ကြပါဦး။