သိသောသူမည်ကား ကြားပါစေ

'အနုပညာ ဖန်တီးမှု သက်သက်ဖြစ်ပါသည်။ ရွှေသုန္ဒရီသီချင်း ကောင်းမွန်သော ရည်ရွယ်ချက်နှင့် အဓီပ္ပာယ်အား သွေဖည်ပျက်စီးစေလိုသော ဆန္ဒ တစ်စုံတစ်ရာ မရှိပါ။ ထိုသို့ ဖြစ်သွားပါက ဂီတစာဆို စိန်မောင်မြင့်နှင့် ရွှေသုန္ဒရီ ပရိသတ်ကြီးအား အထူးပင် တောင်းပန်ရပါကြောင်း ...' ဆိုတဲ့ ဝန်ခံချက် နိဒါန်းနဲ့ အစပျိုးထားတဲ့ ဒီဇာတ်လမ်းလေးက စိတ်ဝင်စားစရာပါပဲ။ ဆရာသိုးဆောင်းရဲ့ လက်ရာကောင်း စာအုပ်တွေထဲမှာ ပရိသတ်အကြိုက်တွေ့ခဲ့တဲ့ စာအုပ်တစ်အုပ်လည်း ဖြစ်ပါတယ်။ 'သူဟာ ကောင်မလေးတစ်ယောက်ကို ဆောင်းတွင်းလေးတစ်ခုလို ချစ်ခဲ့ဖူးပါတယ်။ ဆောင်းတွင်းလေး နွေးစေဖို့ သူ့ကိုယ်သူ မီးအဖြစ် အကြိမ်ကြိမ် မွှေးပေးခဲ့ဖူးပါတယ်။ ရောင်နီသွေးတိုင်း ဝေးမှာစိုးလို့ နေလုံးကြီးကိုလည်း ကျောအပြည့် ကွယ်ပေးခဲ့ဖူးပါတယ်။ နွေဆိုတဲ့ အရာနဲ့ မုတ်သုန်ဆိုတဲ့ စကားလုံးကိုလည်း မဆီမဆိုင် အမိုက်ဇာတ်သွင်းပစ်ခဲ့ဖူးပါတယ်' တဲ့။ ဒီလို အစချီထားတဲ့ စိတ်ဝင်စားစရာ ဇာတ်လမ်းတစ်ပုဒ်။