အိုဘယ့်အစိမ်းတို့မြေ

စိတ်ပါလက်ပါ ဘာသာပြန်ဆိုပြီး စာဖတ်သူဆီ အရောက်ပို့ထားတဲ့စာအုပ်က ‘၂၀၀၂ ခုနှစ် တောင်အာရှ အကောင်းဆုံး စာပေဆုရစာအုပ်’ ဖြစ်တဲ့ ‘အိုဘယ့်အစိမ်းတို့မြေ’ ။ စာဖတ်နေရင်း ပါးစပ်အဟောင်းသားနဲ့ အံ့အားသင့်စရာ၊ စိတ်လှုပ်ရှားစရာ ဖြစ်ရပ်မှန် ဇာတ်လမ်းတွေကို အသက်ရှူရပ်မတတ် မြင်တွေ့ရမှာဖြစ်ပြီး နာမ်ဝိညာဉ်လောကနဲ့ ဆက်စပ်နေတဲ့ ရှေးဟောင်းလူမျိုးစုတွေရဲ့ ဓလေ့ထုံးစံ၊ တောတွင်းတိုက်ပွဲတွေ၊ ပြီးတော့ မြန်မာနိုင်ငံကို မျက်စိပိတ် နားပိတ်ဖြစ်စေခဲ့တဲ့ စစ်အုပ်ချုပ်ရေးယန္တရားရဲ့ အမည်းစက်တွေ။ ဒါတွေကို ဖြတ်သန်းကြုံဆုံခဲ့သူဟာ ဟိုး ….. တောကြီးမျက်မည်းထဲက လူမသိသူမသိ လူမျိုးစုလေးထဲကနေ ကမ္ဘာကျော် ကိန်းဘရစ်ခ်ျတက္ကသိုလ်ထိ ပေါက်ရောက်ပြီး အဆင့်အတန်းမီ အင်္ဂလိပ်စာရေးဆရာတစ်ယောက် ဖြစ်လာခဲ့တဲ့ ‘ပဒေါင်လူမျိုး ပါစကယ်ခူးသွယ်’ ရဲ့ ဘဝမှတ်တမ်း။ ဒါဟာ အိပ်ယာဝင် ပုံပြင်မဟုတ်ဘူး၊ ဒဏ္ဍာရီမဟုတ်ဘူး။ သိပ်ကို အတုယူဖို့ကောင်းတဲ့ တိုင်းရင်းသားတစ်ယောက်ရဲ့ ဘဝကို ကြိုးစား ရုန်းကန် ဖြတ်သန်းမှုကို သိလိုက်ရလို့ စာဖတ်သူအတွက် နည်းနည်းမှ အကျိုးယုတ်စရာ မရှိဘူးဆိုတာ ပြောရင်း ဒီစာအုပ်ကိုလည်း စာချစ်သူဖတ်မယ့် စာအုပ်စာရင်းထဲ ထည့်ထားစေချင်ပါတယ်။