မီးလောင်မြေနှင့် အခြားဝတ္ထုတိုများ

...အစာဝ၍ တုံးလုံးပက်လက် အိပ်စက်နေကြသော သားသမီးများကို မြင်ရသောအခါ သူ့ဝမ်းဗိုက်မှာလည်း အစာတောင်းလာသည်။ ထိုအခါ တောခွေးမသည် သားရဲတွင်းပေါ် တက်လာပြန်၏။ သားကောင်ထွက်လိုက်ရန် ရည်ရွယ်ချက်နှင့် သားရဲတွင်းက တက်လာသော တောခွေးမသည် မီးလောင်ပြင်မှ မီးတောက်မီးလျှံများကို မြင်လိုက်ရပြန်သောအခါ ကြောက်ကြောက်နှင့် သားရဲတွင်းထဲ ပြန်ဆင်းပြေးလာပြန်၏။ သည်လိုနှင့် တစ်ညလုံး ဝင်လိုက်ထွက်လိုက် လုပ်ရင်းက မိုးလင်းသွားသည်။ ထိုအခါ သစ်ခြောက်ပင်များဆီမှ မီးတောက်မီးလျှံများမှာလည်း မှေးမှိန်ငြိမ်းသွားကြပြီးဖြစ်ရာ ဆာလောင် မွတ်သိပ်မှုနှင့်အတူ သားကောင်လိုက်လိုသော စိတ်ဆန္ဒက ဖြစ်ပေါ်လာပြန်သည်။ သို့သော် ဟင်းလင်းပြင် မီးလောင်မြေကို မြင်နေရ၍ ဤပတ်ဝန်းကျင်တွင် မည်သည့် သားကောင်မှ မရှိတော့ဆိုသည်ကိုတော့ သူ သတိရသည်။ သူ့အနေမှာ မြေခွေးများလိုလည်း အစာရှာစားတတ်သူ မဟုတ်သဖြင့် မီးလောင်မြေကို ချက်ချင်းစွန့်ခွာရန် သတိတရားဟာ နိုးကြားလာသည်။ ထိုအချိန်မှာပင် သားရဲတွင်းထဲ အိပ်ပျော်နေကြသော သားသမီးများကလည်း သူ့အနားရောက်လာကြရာ သူ၏ ဆုံးဖြတ်ချက်မှာ ပို၍ ခိုင်မာသွားလေသည်။