မသိကိန်းများ

တက္ကသိုလ်ကျောင်းသားဘဝကို ရရှိဖူးသူတွေအတွက်တော့ စိန်ပန်းတွေ ကြွေရာ၊ ကံ့ကော်ရနံ့တွေ မွှေးပျံ့ရာ၊ အဓိပတိလမ်းနဲ့ ကျောင်းစာသင်ခန်းတွေက လွမ်းမောစရာပါပဲ။ တက္ကသိုလ်နောက်ခံ ဝတ္ထုတွေကို ပြန်ဖတ်တဲ့အခါမှာလည်း ရင်ထဲမှာ ဆွတ်ပျံ့တဲ့ ခံစားမှုတွေနဲ့ တစ်ခါက ကျောင်းသားဘဝဆီ ပြန်အတွေးလွန်သွားမိတတ်ကြပါတယ်။ တက္ကသိုလ်နယ်မြေဆိုတာ လူငယ်ထုရဲ့ အနာဂတ်အိပ်မက်တွေ၊ မျှော်လင့်ချက် စိတ်ကူးတွေ၊ ဘဝပန်းတိုင်တွေ ပေါက်ဖွားရှင်သန်ရာ နယ်မြေ။ နောက်ပြီး ဒီနယ်မြေမှာ လူငယ်ထုနဲ့ ကင်းကွာလို့မရနိုင်တဲ့ အရာတစ်ခုလည်း အမြဲတမ်း ရှိနေပါတယ်။ အဲဒါကတော့ … အချစ်။ အချစ်ပါပဲ။ ဒီတက္ကသိုလ်နယ်မြေမှာ ရေတွက်လို့ မကုန်နိုင်တဲ့ အချစ်ပုံပြင်တွေလည်း အများကြီး ရှိခဲ့ပါတယ်။ ရှိနေပါတယ်။ ရှိနေပါဦးမယ်။ အချစ်ကြောင့် ရယ်ရတဲ့ အပြုံးတွေက တက္ကသိုလ်မြေက စိန်ပန်းပွင့်တွေလောက် များခဲ့နိုင်သလို အချစ်ကြောင့် ငိုရတဲ့ မျက်ရည်ပွင့်တွေကလည်း အင်းလျားကန်ရေထက် ပေအနက်ရှိခဲ့မယ် ထင်ပါတယ်။ ဒီအထဲမှာမှ … တက္ကသိုလ်ကျောင်းတော် အဓိပတိလမ်း၊ ကံ့ကော်တန်းကို နောက်ခံထားတဲ့ အချစ်ဇာတ်လမ်း ခပ်ဆန်းဆန်းတစ်ပုဒ်လည်း ရှိခဲ့ဖူးပါတယ်။ ဒီဇာတ်လမ်းက အချစ်ဇာတ်လမ်းလား၊ အလွမ်းဇာတ်လမ်းလား။ ဒီဇာတ်လမ်းရဲ့ နိဂုံးက ကြည်နူးစရာဖြစ်မလား၊ လွမ်းဆွတ်စရာ ဖြစ်မလားဆိုတာကိုတော့ … ဆရာနီကိုရဲရဲ့ ‘မသိကိန်း’ ဆိုတဲ့ တက္ကသိုလ်နောက်ခံ အချစ်ဇာတ်လမ်းလေးထဲမှာ ဖတ်ကြည့်မှ သိနိုင်မှာပါ။