ငါ့ရဲ့နင်

“ငယ်ကျွမ်းဆွေ” ဆိုတဲ့ သီချင်းလေးကို ကြားဖူးကြမှာပါ။ “ငယ်သူငယ်ချင်းရေ …အခုတော့ ငယ်ကျွမ်းဆွေ”ဆိုတဲ့ စာသားလေးဟာ နှလုံးသားမှာ မှတ်မှတ်ထင်ထင်ဖြစ်နေကြပါလိမ့်မယ်။ ခူးခူးရဲ့ ဒီဇာတ်လမ်းလေးဟာလည်း တကယ့်ကို ငယ်ကျွမ်းဆွေပါပဲ။ ဒီလိုပဲ ငယ်စဉ်နုနယ် ဟိုးအရွယ်ကတည်းက နှလုံးသားကို စိုးမိုးလိုက်တဲ့ အချစ်ရဲ့ဖဝါးအောက် ဒူးထောက်ခဲ့ရတဲ့ မိန်းကလေးတစ်ယောက်အကြောင်းလည်း ဖြစ်ပါတယ်။ ဒါတင်မကဘဲ ဒီဇာတ်လမ်းဟာ သုံးပွင့်ဆိုင်အချစ်ဇာတ်လမ်းမို့ ကလေးအရွယ်ကတည်းက ဆုံဆည်းခဲ့ကြတဲ့ “သမီးဦး” ၊ “ချစ်သူပိုင်” ၊ “နှစ်သစ်” ဆိုတဲ့ ဒီသုံးယောက်ကြား ရင်ခုန်သံစည်းချက်တွေက လှိုက်ဖိုဖို့ကောင်းလှပါတယ်။ တွေ့စအချိန်မှာပဲ စွဲလမ်းသွားရတဲ့ မျက်ဝန်းတစ်စုံကြောင့် သမီးဦးရဲ့ဘဝမှာ အချစ်ဟာ ဘယ်လောက် ကြီးစိုးသွားခဲ့တယ်ဆိုတာ အချစ်အကြောင်း မသိသေးရင်တောင် လွမ်းမောဖို့ ကောင်းကြမှာပါ။